கார்த்திக் சுப்புராஜ் படத்துக்கு 45 நாட்கள் கால்ஷீட் கொடுத்த நடிகர் ரஜினி!

கார்த்திக் சுப்புராஜ் இயக்கத்தில் நடிக்கவுள்ள படத்துக்கு நடிகர் ரஜினிகாந்த், 45 நாட்கள் தனது கால்ஷீட் கொடுத்துள்ளாராம்.

அரசியல் பிரவேசத்தை அறிவித்த பின்னரும் நடிகர் ரஜினிகாந்த் தனது அடுத்த படம் பற்றிய அறிவிப்பை தற்போது வெளியிட்டுள்ளார். இந்த புதிய படத்தை கார்த்திக் சுப்புராஜ் இயக்கவுள்ளார்.

தற்போது நடித்து முடித்துள்ள ‘காலா’ படம் சென்சார் பிரச்னையால் ரிலீஸ் தேதியை
அறிவிக்க முடியாமல் இருந்து வருகிறது. அடுத்ததாக ஷங்கர் இயக்கத்தில் உருவான ‘2.0’ படம் டிஜிட்டல், கிராபிக்ஸ் பணியால் தாமதமாகிவருகிறது.

தற்போது தமிழ் சினிமாவில் நடந்து வரும் ஸ்டிரைக் காரணமாக எந்த சினிமா சம்பந்தப்பட்ட வேலைகளும் நடைபெறவில்லை. இந்நிலையில் ரஜினியிடமிருந்து கார்த்திக் சுப்புராஜுக்கு தகவல் ஒன்று வந்துள்ளதாம். ஸ்டிரைக் முடிந்தவுடன் வெகு சீக்கிரத்தில் படப்பிடிப்பை துவங்க வேண்டுமாம். ரஜினி, படத்துக்காக 45 நாட்கள் கால்ஷீட் ஒதுக்கியுள்ளாராம். எனவே, மே மாதத்தில் படப்பிடிப்பை தொடங்க மும்மரமாக உள்ளனர் படக்குழுவினர்.

Share

Leave a Reply

Your email address will not be published. Required fields are marked *

Social Media Auto Publish Powered By : XYZScripts.com